Finalmente nos a yega den e siman di e Mid-Year Jump in Concert kaminda e bandanan grandi di Kòrsou ku ta mas okupá pa e temporada di karnaval ta topa otro. Faltando 6 luna mas pa karnaval i pa asina grupo di karnaval Helengue hasi su debut pa karnaval mester bisa ku ya nan ta den full swing pa loke ta trata nan ambiente. Ta asina ku grupo Helengue a yega na un idea inovativo pa pone un aktividat di “Jump In” mei mei di aña pa asina tur karnavalista tin e oportunidat di rebibá karnaval 2015 i pa asina hasi antesala pa karnaval 2016. Helengue a pone su pia riba e mapa di karnaval pa asina engrandesé i duna balor agregá na tur karnavalista pa asina e konekshon di e idea karnaval keda biba den tantu pensamentu i memoria pero alabes klabá den kurason di e poblashon. E bandanan musikal ku ta bai entretené e públiko dia 8 di ougústús ta Gio, ERA, Dreams huntu ku HNLY, O’Vega, Dj RO-1 i Dolce. Pa Helengue marka historia i kuminsá pone e promé piedra ku ta konekshon ku farandula internashonal e banda musikal Dolce ta kompaña e artista internashonal Alison Hinds durante su presentashon pa e Mid-Year Jump in Concert. Alison Hinds ta e artista konosí pa e kansion Faluma i Roll it Gyal i ta su di dos presentashon na Kòrsou. Mester pone enfasis ku e dama aki sa kiko ta pone tur persona riba pia pa asina e anochi bira total. Karchi pa ku e Mid-Year Jump in Concert ta bayendo hopi bon i e espektativa ta hopi haltu mirando ku e ambiente di karnaval ta trese hopi rekuerdo den kada un persona bibando riba e isla di enkanto ku ta Kòrsou. e parti ku ta hasi e anochi mas interesante ta mirando ku no ta T-Shirt ta parti, pero ta abo mes ta bisti bo mes ku e atributonan ku tin pa asina bo style bo mes pa e ambiente. E bar di Leañez ta espasioso i alabes e kuminda ta laga bo yena bo stoma pa asina bo keda disfrutá di un ambiente fabuloso. Si bo ta interesá di bini ku un grupo grandi of bo ke selebrá bo aña i trese bo mes bolo of kualke enkuentro den grupo den un bembe, esey por djis yama of app Danny Yanga mes na 5213700. Karchi ta solamente FLs 50,- pues ta un ganga hopi grandi a duna abo ku ta stima e ambiente di karnaval, 5 agrupashon musikal, 1 DJ espektakular, e rey di ambiente i 1 artista internashonal di kalidat ku ta Alison Hinds, stage grandi moderno ku tres catwalk, dekorashon espektakular, show di vuurwerk i tur pa solamente Fls 50,-. Karchinan ta optenibel na Radio Mas 99, Radio Direct 107, 24 uur uit de muur, Mensing i Beep Beep. Subí i like nos page di Helengue pa bo keda informá tokante dia 8 di ougustus i alabes e grupo di karnaval. Helengue ta nos tin e Ambiente i ta un biaha bo ta biba pues nos ta topa djasabra awor dia 8 di ougústús riba Kleine Werf na e Mid-Year Jump in Concert. Kumpra bo karchi awe mes.